Tips og nytt for barn

Tips og anbefalinger av bøker, tegneserier, spill og musikk for barn.

Den eventyrlege historia om Sally Jones

Den svenske forfattaren og illustratøren Jakob Wegelius har skrive to elskverdige bøker om den unike gorillaen Sally, ein gorilla som kan lese, skrive, reparere motorar og slå menneske i sjakk.

Legenden om Sally Jones (2008) og Morderens ape (2016) har begge vunne den svenske Augustprisen. Morderens ape vann attpåtil Nordisk råds barne- og ungdomslitteraturpris for 2015, og det er vel fortent.

Legenden om Sally Jones er ei kort og rikt illustrert forteljing full av dramatikk og skurkar i mystiske byar. Allereie i denne boka blir den smarte apa eit offer for alt det underlege menneske vil bruke henne til, anten det er å stele verdifulle smykke for Frau Schultz, eller å vere ein attraksjon på det omreisande sirkuset til den magiske Silvio. I denne røvarhistoria får lesaren bli med på ei reise over store hav- og landområde. Boka er vakkert illustrert, og Wegelius har ein teiknestil som gir boka eit tidlaust preg. 

Morderens ape kom ut på norsk i år, og takk og lov for det! Det er ein frittståande oppfølgar av Legenden om Sally Jones. I førre bok blei historia om Sally fortalt som ei legende, denne gongen er forteljinga skriven av Sally sjølv, på ei Underwood nr. 5 skrivemaskin. Ho vil skrive sanninga om drapet på Alphonse Morro.

Boka opnar med eit illustrert og rikt persongalleri, sider som det er kjekt å kunne bla tilbake til. Forteljinga startar på det opne hav, ombord på skuta Hudson Queen saman med kapteinen, den finske “chiefen” Henry Koskela: “Mange tror nok at det er Chiefen som eier meg nå. Men Chiefen er ikke en sånn som vil eie andre. Han og jeg er kompanjonger. Og venner.” Dei legg til hamn i Lisboa, men det går ikkje lang tid før det oppstår ulukke på deira veg. Chiefen blir skulda for mord og hamnar i fengsel, medan Sally gøymer seg på hustak for å unngå sinte portugisarar som kallar ho for “morderens ape”. 

Sally bestemmer seg for å gjere det ho kan for å reinvaske Chiefen. Ho vil reise sjøvegen til India og tilbake for å bevise kva som eigentleg skjedde den natta Morro vart drepen. I Morderens ape er Sally meir handlingsretta og ei aktiv drivkraft for historia enn i Legenden om Sally Jones. Wegelius har gitt seg sjølv god boltringsplass, og boka er på over 500 sider, men ikkje ei side er overflødig. Historia er full av interessante karakterar, og eg ville gjerne ha lese ei bok om kvar av dei: Den vakre fadosangerinna Ana Molina, instrumentmakaren Luigi Fidardo, ein overtruisk kirketenar, captain Anderson, ein illojal skipsmann og den eksentriske og bortskjemte maharajaen av Bhapur, for å nemne nokon.

Morderens ape er som skapt for høgtlesing. Det er ein roman som vil appellere bredt - også til eit vakse publikum. Som høgtlesingsbok passar den frå 9 år og oppover, medan Legenden om Sally Jones kan passe for eit endå yngre publikum. Det er ei eventyrleg og filmatisk forteljing, og boka rommar mange essensielle spørsmål om lojalitet og rettferd. Kvart kapittel opnar med ei stemningsskapande teikning. Wegelius har ein nydeleg og detaljrik strek, og desse illustrasjonane bidreg til å løfte leseopplevinga ytterlegare. Eg unner alle å bli kjend med Sally Jones, ein lojal gorilla som det er veldig lett å bli glad i.  

Publisert 28.11.2016 av Trine Dale
Halvgudene
Tips og nytt

Halvgudene

Du lurer sikkert på hvorfor denne boka heter Halvgudene. Vel, det lurte jeg også på da jeg så den. Liker du fantasi, action og spenning, så er denne boka helt perfekt for deg.

Publisert 04.11.2016 av Skrevet av Elin Marie Ukkelberg, elev i arbeidsuke på Landås filial
Alt oldemor kan fortelje
Tips og nytt

Alt oldemor kan fortelje

Eit sjarmerande møte mellom generasjonar - og for ei spretten oldemor!

Publisert 19.10.2016 av Trine Dale
Roald Dahl 100 år
Blogginnlegg

Roald Dahl 100 år

13. september i år skulle sjølvaste Roald Dahl ha fylt 100 år! Eg ser på det som ein gyllen sjanse til å trekke fram ei lita knippe av hans fantastiske barnebøker.

Publisert 22.08.2016 av Trine Dale
Vi har den ære - en hyllest til Thorbjørn Egner
Tips og nytt

Vi har den ære - en hyllest til Thorbjørn Egner

Visene til Thorbjørn Egner i ny drakt.

Publisert 16.08.2016 av Anne Merete Hegrenes
Tre sommarlege lesetips for barn
Blogginnlegg

Tre sommarlege lesetips for barn

Om du er oppe i eit kirsebærtre, på fisketur, i hengekøya, på landet, eller i byen denne sommaren - biblioteket har bøker som kan bli med deg!

Publisert 15.06.2016 av Trine Dale
Dyreliv
Tips og nytt

Dyreliv

"Den som les dette, treng aldri meir å vere redd for nokon ting i heile verda."

Publisert 09.06.2016 av Ingrid Ytre-Arne
Født av Ild
Tips og nytt

Født av Ild

I en verden hvor urettferdighet og undertrykkelse hersker, ville du kjempet kampen ingen andre kjemper? Ville du gitt opp alt for de du elsker? Hva er sterkest: kjærligheten eller hatet?

Publisert 24.05.2016 av Lesetipset er skrevet av Torbjørn, 15 år
Herlig høytlesningsbok om MAS!
Tips og nytt

Herlig høytlesningsbok om MAS!

Mas, mas, mas, over hele linja... Sånn er det i familien til Milla. Masing hele året... På høy tid å ta grep med et aldri så lite rollebytte...

Publisert 06.05.2016 av Liv Oddrun Larsen
Gutten på toppen av fjellet
Tips og nytt

Gutten på toppen av fjellet

Etter ti år er John Boyne tilbake med en bok på høyde med "Gutten i den stripete pyjamasen". "Gutten på toppen av fjellet" virker like fantastisk, gripende vakker og uendelig trist som boka fra 2006.

Publisert 17.04.2016 av Anne Wang-Andersen
Publisert 14.02.2015, sist endret 23.08.2016 - 15:01