Bokstart af soomaali

Akhriska iyo waxtarkiisa 
• Ilmaha wax waa loo akhrin karaa da’ walba uu yahay. 
• Looma baahno in aad sugto ilaa inta uu ilmuhu hadalka ka baranayo– akhriska ayaaba hadalka lagu bartaa! 
• Carruurta kuwooda ugu yaryar in wax loo akhriyo waxay keentaa in ay buugaagta jeclaadaan, waxayna kobcisaa hadal-barashadooda. 
• Wax wada-akhrisku wuxuu abuuraa in isku hal wax loo jeesto iyo jawi wanaagsan oo la wada qaato. 
• Xiriir ammaan ah oo xoog leh ayaad wadajir u dhisaysaan. 

 
Marka uu ilmuhu 6 bilood jiro 
Akhrisku ciyaar ahaan ayuu u bilaaban karaa! Ilmuhu buugga u dhiib – ha qabto, bogagga ha taabto oo horay iyo gadaal ha u rogrogo. Dhulka fadhiiso oo ilmaha la ciyaar. Sawirrada uga sheekee, farta ku fiiq oo la hadal. Sidaas ayuu ilmuhu ku bartaa in buugaagtu keenaan isu-soo-dhowaansho, farxad iyo waayaragnimo wadajir loo helo. 

 
Marka uu ilmuhu 1 sano jiro 
Waxaa dhacda in uu ilmuhu sawirrada farta ku fiiqo – waxa aad aragtaan magacooda sheeg oo sheekaysta. In buug la akhriyo macnaheedu ma aha in billowga ilaa dhammaadka la akhriyo, ee waa in la wada ciyaaro oo la raaco hadba waxa uu ilmuhu doonayo. 

 
Marka uu ilmuhu jiro 1,5 sano 
Ilmuhu wuxuu badanaa jecel yahay buugaag ka hadlaya xaaladaha nolol maalmeedka ama sawirro muujinaya dareenno muuqda. Noqo akhriste buugga xiisaynaya – isticmaal codkaaga iyo in aad dareenkaaga wejiga ku muujisidid, kana hadal waxyaabaha ilmuhu ka falceliyo. Ha ka cabsan in aad ku celceliso! Hal buug ayaa marar badan loo akhrin karaa, taas oo ilmaha aad uga farxin doonta maaddaama uu mawduuca garanayo. 

 
Marka uu ilmuhu 2 sano jiro 
Hadda waxaad bilaabi kartaan in aad wada akhrisaan buugaag sawirro leh oo gaagaaban. Sawirrada isla eega, ka sheekaysta waxa aad aragtaan oo ilmaha u oggolow inuu akhriska ka qaybqaato. Marka uu ilmuhu rugta caafimaadka u tago koontaroolka 2-da sano, waxaa la idin siin doonaa kaar hadiyad ah oo aad ku soo qaadanaysaan buug cusub. 

 
Akhri buugaag ku qoran afka hooyo: 
Afka hooyo oo si fiican loo barto, waxay ilmaha u fududaysaa barashada afafka kale. Afka hooyo iyo afka labaad way is taageeraan, sidaas darteed ayaa waxaa fiican in la akhriyo buugaag labada af ku qoran. Buugaag afaf badan ku qoran ayaad maktabadda ka amaahan kartaa. 

 
Qabanqaabooyinka maktabadda ka dhaca 
Boggeenna internetka waxaad ka helaysaa macluumaad ku saabsan qabanqaabooyinka loogu talagalay carruurta ay da’doodu u dhexayso 0–2 sano: Bibliotekets arrangementer til de minste — Bergen Offentlige Bibliotek