Barn & bøker - podkast om barnelitteratur
Barn & bøker er Bergen Offentlige Bibliotek sin eigen podkastserie om barnelitteratur! Vi byr på diskusjonar, tips, og mykje meir.
Barn & bøker
Er du forelder og saknar gode lesetips for akkurat den aldersgruppa ditt barn er i? Eller er du kanskje lærar og treng nye idear og fagleg kompetent input til alt som har med bøker, barn og litteratur å gjere? Barn & bøker er biblioteket sin eigen podkast om barnelitteratur, der tilsette ved barneavdelinga og andre gjestar deler av sin rikhaldige kunnskap om barnelitteratur og det som rører seg i feltet akkurat no.
Det blir diskusjon om aktuelle tema og bøker, og ikkje minst, fast anbefalingsspalte der du får våre beste tips om gode bøker for alle aldersgrupper.
Om programleiarane
Eli Fossdal Vaage er ny som formidlar av barnelitteratur, men har lang fartstid med å lage radio og er dessutan relativt erfaren som småbarnsforelder. I Barn & bøker er målet hennar å dele barnebibliotekarane sin ekspertise med flest mulig foreldre på jakt etter kvalitetssikra lesestoff for barn i alle aldrar.
Cathrine Dagestad Eikeland og Elisabeth Skråmestø Wyller møtte kvarandre på masterstudiet i Barne- og ungdomslitteratur, i dag er dei begge litteraturformidlarar på Bergen Offentlige Bibliotek. Dei er einige om mykje, som at ein strålande barndom er full av fine historiar. Likevel har dei ulike perspektiv på mange av dei, og dei blir nok aldri heilt einige om Frøken Detektiv kvalifiserer, eller kva Harry Potter-bok som er best.