Føremål med skulebibliotek

av Arild Ness — sist endret 2020-02-21T09:55:29+01:00
Skulebibliotektilbodet skal vere i samsvar med strategi for utvikling av skulebibliotek i vidaregåande opplæring i Hordaland 2017 – 2020, «Skulebiblioteket – kunnskapskjelde, kulturberar og sosial møteplass.». Strategien var vedtatt i fylkestinget i desember 2016.

I følgje Hordland fylkeskommune sin strategi skal skulebiblioteket:

  • Auke motivasjon, vekke nysgjerrigheit og begeistring for læring.
        
  • Gi oppleving av læring, motivasjon og meistring, uavhengig av bakgrunn eller individuelle føresetnader.
        
  • Legge til rette for auka læringsutbytte.
        
  • Vere ein ressurs for å styrke leseferdigheit og digitale ferdigheiter.
        
  • Lære elevane å finne og bruke tekst og kjelder i einskilde fag.
        
  • Vere til inspirasjon, hjelp og støtte for undervisningspersonalet.
        
  • Delta i skulen sitt arbeid for auka gjennomføring.
        
  • Vere samlingsstad og arena for kulturelle opplevingar og litteratur.
        
  • Vere ein sosial møteplass.
        
  • Skape trivsel og motverke utanforskap ved å møte elevar med respekt og omtanke.
        
  • Bidra til eit godt psykososialt skulemiljø.

Skulebibliotekfunksjonen må i tillegg ivareta:

  • Skulen sine behov slik driftsavtalen skisserer.
        
  • Bibliotekfagleg brukaropplæring for nye elevar og lærarar ved starten av skuleåret.
        
  • Planlegge og gjennomføre kurstilbod i brukaropplæring for elevar og lærarar i samsvar med skulen sitt årshjul og pedagogiske arbeid.
        
  • Opplæring av skolen sitt personale i bruk av biblioteket som pedagogisk verkty.
        
  • Innsikt i læreplanar og pedagogiske føringar for skulen sitt arbeid.
        
  • Samarbeide med skulen om elevutstillingar og arrangement.
        
  • Vere til stades på skulen sine opne dagar.
        
  • At elevane er kjende med tilgjengelege læringsressursar, og lære dei å finne og bruke tekst og kjelder i einskilde fag.
        
  • Planlegge og gjennomføre prosjekt og andre undervisningsopplegg, skaffe og formidle relevante bøker og medier til slike prosjekt.
        
  • Utlån, innlevering, registrering og istandgjering av lærebøker i skuleåret. I tillegg kjem ansvar for bestilling, innkjøp, mottak, purring på ikkje-levert materiale og krav om erstatning for ikkje-leverte læremiddel. Skulen har ansvar for å gi B.O.B. beskjed om kva læremiddel som skal gå ut frå samlinga.    
       
  • Å delta i nettverksgruppa for skulebibliotekarane i vgs i Hordaland.
        
  • Å delta på kurs og seminar og halde seg orientert om utviklinga innan skulebibliotek.
        
  • Å gå inn i den daglege drifta av biblioteket.