Anders Totland har eit omfattande forfattarskap som spenn over alle målgrupper og med ein enorm variasjon i tema. Frå faktabøker for barn om sjørøvarar og pandemiar til vakre romanar for ungdom og vaksne om såre og vanskelege relasjonar. At Totland kan spele på mange strengar er definitivt tydleg i Til døden skil oss, som er ei morosam krimbok frå bygde-Noreg.

 

I samtale med Laksevåg bibliotek sin litteraturformidlar Kjersti Egge vil vi høyre om kvar Totland finn inspirasjon til komikrimbøkene, og om barndom og foreldrerolla i uvanlege familiekonstellasjonar. Velkomen til forfattarmøte!