Fredrik Stenhjem Hagen er historikar, forfattar og litteraturarbeidar. Han har gjeve ut fire bøker sidan debuten 2017 med diktsamlinga Jeg kom plutselig til å slutte å tenke på deg. Seinare kom Alt er barndom (2018), Han ligner en måte å sove på (2019), og i fjor gav han ut kortprosaboka LA DET BLI / EN ENSOM TID.

Hagen var initiativtakar til og har vore redaktør for diktfanzina Forsvinningspunkt: ei utgjeving for unge, ukjende og upubliserte poetar. Hagen er medansvarleg og programvert på Lyrikksalong i Boksalongen, Litteraturhuset i Bergen sitt faste poesiprogram.